上司剛才跟我說, 音樂書的送審日期由明年4月改為1月.
我對此甚為不滿.
至目前為止, 3冊書只收到1冊的稿, 有些譜還沒收到.
還跟我說要進行2次清稿, 怎麼可能?!
說要找新同事打譜, 她可是一點都不懂.
雖說我們剛開始時, 都是一點也不懂, 但尚有機會學習, 還未至於3個月後便要送審.
改期這想法, 該不會是突然出現, 若有計劃可能提前, 便該早點安排作者開會和交稿.
就算當時編輯正在忙, 至少有空檔的時候可隨時開工.
這絕不是編輯不願做, 只是這種安排和計劃, 實在令人不願再待下去.
不要再跟我說甚麼市場策略或銷售策略, 我認為做書送審這階段絕不是應變措施, 不會突發.
事實上, 我不太同意3個月能做出一套有質素的書出來.
預計會遇上的困難和現時的情況都交待過了, 但她仍是覺得"趕得切"...
我可不要只是"趕得切"呢...
我不怕忙, 只覺得這樣做事太沒計劃(噢,或許這種部署,是你們的計劃來...),也太沒質素.
我覺厭倦了...
Friday, 19 September 2008
Subscribe to:
Post Comments (Atom)
又送音樂書? 另外一套呀? 三個月...小說都寫唔到啦...祝你地好運 :P
ReplyDelete所以…搵工啦！呢度唔係要求你做一套有質素O既書，係要求你「做套書」。
ReplyDelete外星人果日係咁問我呢度，問我果度…跟住我估佢想話我，佢話「基本上呢D係清稿果時做」嘿！你俾幾多時間我清稿先？佢當D作者萬能，D作者當佢低能。更頂癮來多句「我地公司咁多人，總有人解決到」即係點呀？將D問題貼出O黎睇下邊個答O岩？
我今日聽到呢個消息都呆一呆，btw，個人意見，改版咋？咪是但幫佢執d錯字起貨囉！
p.s.無怪乎外間經常批評我地呢行。
i小姐,咪就係當年我地一齊做0個套囉...
ReplyDelete地球人,佢問你0個d問題,基本上成日都問,...都唔知係因定係果喇,想得多都思路打結!佢問我係咪清2次稿最好0個陣,我都答佢"有時間梗係好"...
雖然話改版,但係都好多野執呀,好多新歌,到時check死我...!我怕要我落埋去打呀,你估個個好似茜茜咁熟手...
外面的批評,可以因為唔了解,但若果連自己都覺得過唔倒,就唔掂喇~
係公司問題，要睇管理層尊唔尊重編輯。有D人覺得套書好似工廠甘，可以 bear 出黎大量生產既。呢D係無知同橫蠻既表現。
ReplyDelete以前隔行如隔山。但現在就算隔一個部門、隔一個管理層，都好似火星同地球人甘隔好遠，每個人都無法理解別人難處。
一般大出版社，係絕對唔會提前送審，書一定儘量HOLD係出版社同編輯手，唔送出去。送審日期早係一兩年前已經定下，駁住所有promotion、seminar 的日期。何時印samples，出advance copies，印真書，全部都一早敲定，以便不同部門協調。送審書在香港出版商會跟教署的協議下，只試過一次全部延遲送審，但從來不會是提早送審的。
阿雲，改版要好小心，千期唔好改幾隻字。因為輿論壓力大，教署捉得好緊，你要make sure 本書有七成以上的改動，先好送出去。送審時文件一定要做得好足：出版社為甚麼改動、改動後對學生學習有甚麼好處，全部要白紙黑字列明，並且在送審版本(submission copy)上，highlight得清清楚楚。否則，有機會唔過，尤其是你那科本身市場已經夠書揀，到時就會好浪費。
stella
我都知改版要小心呀，改的內容要交代清楚…
ReplyDelete提前這決定，應是公司自己上安排上的決定，與教局無關的。
我也不時去你個blog度睇下你公司係點做事，聽你咁講，知道出面唔係咁，我都定d，否則，原來間間都係咁，轉黎轉去都無分別，咁就真係灰…
而且，點解會係一月送呢？本書審翻黎已經係四至五月，到時老師已經落緊書單。你地都係做唔切真書架。如果係用advance copy(即係未有教署豬仔麥就賣)推廣，甘萬一送唔成要再送，advance copy 咪浪費左？暑假亦會無真書賣，成盤計劃好risky。照理，應該係10月送審果播。
ReplyDelete不過，計落就唔應該係四月送。四月送，教署comment 八月返，九月十月編輯搞掂套書，但學生已經開左學喇。無理套書等下一年暑假先賣家嘛，到時資料又要更新。
stella
但係我公司亦有其他問題，譬如編輯兼顧既野太多，青黃不接，中層壓力極大等等。但改送審日期係一件好大既事，甘多年都未試過。編輯唔會應承(你話提早送？甘你自己做咯！)。不過我知其他出版社都有。
ReplyDelete我都成日呻架，不過我老闆都好清楚我D 嚕騷，有時安慰幾句。自己睇開D就算。
stella
阿Stella真係句句鏗鏘，字字有力！特別係「送審日期早係一兩年前已經定下，駁住所有promotion、seminar 的日期。何時印samples，出advance copies，印真書，全部都一早敲定，以便不同部門協調。」響本公司…係無o架！接近見步行步階段！
ReplyDelete或者咁講，可能本公司「高層」心中已有一個計劃，但係佢地會當係本世紀最大秘密，未到必要時，都唔會同你講任何o野，只係會丟落o黎，你做啦！做乜鬼遮！我都唔知咩事。佢地成日都唔明點解「要咁耐」。
入o左o黎呢間公司，覺得好多o野令我「大開眼界」。都唔好話做過呢行，有常理o既人都唔會咁做。不過我家下抱住心態係…「你要死，我唔俾你死咩！」你叫我做咪做囉，result係點…關我咩事？
呢位同事冷靜d ... :)
ReplyDelete因為我們是間小公司,他們的想法,有時候我也能明白的,只是我覺得可以處理得好一些,給我們多些預備和尊重,不用每次都引起公憤又打擊士氣...
「呢位同事冷靜d ... 」尼句野好耐無聽過喇...諗起果時你都對我講唔少...:P
ReplyDelete你地不平都要用心做呀！要對得住自己的專業！
哈哈,因為你都太唔冷靜了!!~
ReplyDelete用心,梗用心...不過想耐用點而已..哈哈~
我係阿雲的同事二號。晌度做，做得多冇人會多謝你，只會在下一次有機會俾老細得寸進尺：你上次都得，今次冇理由say no啫？！我極度贊成同事一號：「你要死，我唔俾你死咩！」我知道Stella本著編輯的良心，提提阿雲改版要小心處理，但我都想講，阿雲，其實你都唔駛同佢浪費自己的腦汁，講真，提前送審又係你話，你話點咪點囉！過唔過，係佢既事。
ReplyDelete專業，要同尊重專業的人說，對佢是不用的，因為佢唔會明。
夠鐘就鬆，唔好帶腦返工。
This comment has been removed by the author.
ReplyDelete同事二號,你同一號太似了,早前我還以為是你呢...
ReplyDelete最近呀,我真是閒得要死,連電腦科同事的稿也看了,真是勞碌命...但想起不久的將來會超忙,真的有點無奈...安排真的超差...
前日,肥作者興高采烈地跟我說提早一月送審好呀,早送早賣...諸餘此類...他還有點幹勁(梗係,佢有錢收嘛!!同埋以為交完稿就得)那刻,也不知要說甚麼才好...
算喇,船到橋頭自然直...
嘩!你睇你睇, 你一講到做野就COMMENT數量爆晒燈!大家好用心工作啊!
ReplyDelete其實我覺得肥作者好厲害呢, 放工後仲可以寫稿睇稿咁多野.懶惰一點也不行.(當然他懶惰的話相信也會受很多人鞭策鞭)
所以記住, 佢收錢架, 放手鞭策!
我看了你不少關於工作的日誌，都想回應下，我們作基督徒的，要知道老闆是上帝，即使環境多麼惡劣都要用心呀，將來有一天你會發現，神在打磨你成為一塊有用的石頭。
ReplyDeletei小姐,肥作者有時寫兩隻字叫我搵就算是寫左野喇...不過,佢都算ok,好過對上那2位...真係令我大開眼界...
ReplyDelete萍凡人,我也是如此想,才堅持到現在呢...你不知道,當你認真做的時候,居然會有作者說"...唔駛咁認真喇,呢d我唔改架喇...",而你的上司卻不曾表示支持你..那麼,我該如何是好?..認真做事,還要被人批評...但是呀,我還是覺得自己做出來的事情,要對得住自己才好,雖然在無時間的情況下,做出來的結果不理想也可算是合理,但就算不埋老闆,也不可容讓自己主動地退步...所以,我想找尋一個能讓我進步的環境...